辣炒雞排(닭갈비)，其實香港由舊年起都開咗好多間有鐵板有芝士有雞嘅餐廳，但唔知點解都係唔夠原版嘅惹味。
鐵板炒雞，材料有雞肉、椰菜、木耳、翠肉瓜片，有肉有菜，口感好平衡，炒雞有芝士/辣味/醬油味揀，炒雞係唔同味唔同價錢(芝士一人份10000KRW/醬油/辛辣8500KRW一人份)，點都好，當然係要揀芝士啦～
食法同新村春片川家差唔多，店員先將雞肉同食材加秘製醬汁炒至半熟，🐓😳係毫不手軟地大量落芝士，順便提提，呢度芝士有輕微羊奶味，比較濃郁，驚騷嘅潮友食返辣雞好啲。
另外仲加咗煙韌嘅粒粒番薯年糕條，成條好似腸仔咁，好似無特別，食落先知不得了！內有乾坤，咬落去果下要小心對面嘅潮友呀，因為又甜又熱嘅番薯蓉會爆出嚟～
吃完之後可以加飯或烏冬麵嚟炒，吸盡醬料嘅精華。店內有提及炒雞+烏冬係最佳配搭，潮友可以一試！
店名：신제주 참 닭갈비
地址：제주도 제주시 연동261-14(濟州)
消費：每人約8500-11000KRW
鳴謝韓國助手可可脆片全程導航 - #KRPND
Search